سه‌نته‌ری سه‌لاحه‌دین |

خۆشەویستى پەروەردگار ئەم پلەوپایەیە پێگەى پێشبڕکێکارانەو کارگوزارانى رێبازى خواناسى هەمیشە بێ وچان هەنگاویان بۆ هەڵگرتوە، هەر ئەم پلەوپایەیەشە خۆراکى دڵ و روحە و خواناسان چاویان پێى گەش و رۆشن بوە لەدنیادا. خۆشەویستى پەروەردگار لەخودى خۆیدا ژیان و بوونە ئەوەى لێى بێبەش بێت ئەوا لەریزى مردوواندا ئەژمەردە دەکرێت... خۆشەویستى پەروەردگار نورێکە هەرکەسێک ونیبکات ئەوا لەزەریاکانى تاریکاییدا وێڵ و سەرگەردان دەبێت... خۆشەویستى پەروەردگار چارەسەرە بۆ دڵە زامدارو بریندارەکان و چێژێکە هەرکەسێک نەیچێژێ ئەوا سەراپاى تەمەنى لەخەم و پەژارەو ئاه و حەسرەتا بەسەر دەبات... خۆشەویستى پەروەردگار خواناسان بەدڵ و گیان و روح دەگوێزێتەوە بۆ پلەوپایە بەرزو باڵاکان دەیانگەیەنێت بەوئاستەى تێدا هەست بەکامڵى و تەواوى بکەن... بۆیە دەبینین هەر ئەویندارانى پەروەردگاربوو رێزى دنیاو قیامەتیان بەدەستهێناو خۆیانگەیاندە ئاست و پلەى رەزامەندى... خۆشەویستى لەزمانەوانیدا: لەخۆشەویستییەوە هاتوە ، هەروەها وتراوە لەبناغەدا لەپاکییەوە وەرگیراوە. نیشانەکانى خۆشەویستى پەروەردگار بۆ بەندە هەرکات بەندە هەستیکرد ئەم نیشانانەى تێدایە ئەوا بەڵگەیە لەسەر ئەوەى پەروەردگار خۆشى دەوێت: 1/چاودێریکردن هەر لەمنداڵییەوەو رێنماییکردن و دڵ وابەستەبوونى خوداو رامبوونى ئەندامەکانى لاشە بەچەشنێ زوبان و ئەندامەکان هەمیشە لەگوێڕایەڵى پەروەردگاردابن. 2/خۆشویستنى بەندە لاى خەڵکى ، پێغەمبەرى خوا (درودى خواى لەسەربێت) دەفەرموێت: ((ئەگەر پەروەردگار بەندەیەکى خۆشویست ئەوا جوبرەئیل بانگدەکات و دەفەرموێت: من فڵان بەندەم خۆش دەوێت تۆش خۆشت بوێت، پاشان جوبرەئیل بەنێو ئاسماندا بانگدەکات و دەفەرموێت: خوداوەند فڵانە بەندەى خۆشدەوێت ئێوەش خۆشتان بوێت ئەوجا ئەوانەى لەنێو ئاسمانن خۆشیان دەوێت و پاشان لەسەر زەوى پەسەند و خۆشەویست دەبێ لاى خەڵکى)) (بوخارى و موسلیم) گێڕاویانەتەوە. 3/تاقیکردنەوە: (ئەنەس) ـ رەزاى خواى لێبێت ـ لەپێغەمبەرى خواوە (دروودى خواى لێبێت ـ دەگێڕێتەوەو دەفەرموێت: پێغەمبەرى خوا ــ دردوودى خواى لەسەربێت ـ فەرمووی: (( گەورەیى و مەزنى پاداشت بەهۆى گەورەیى و مەزنى بەڵاو نەهامەتییەوەیە و ئەگەر خوداوەند گرۆه و کۆمەڵێکى خۆشبوێت ئەوا تاقیاندەکاتەوەو ئەوەى رازیبێت پەروەردگار لێى رازیدەبێت و ئەوەشى ناسوپاسگوزاربێت خەشم و قینى بۆ دەبێت، ئەوجا بەشێوەى جۆراوجۆرى بەڵاو نەهامەتى تاقیاندەکاتەوەو لەگوناه و تاوان پاکیان دەکاتەوە)). 4/مردن لەسەر کارێکى باش هەروەک چۆن پێغەمبەرى خوا (درودى خواى لەسەربێت) دەفەرموێت: ((ئەگەر خوداوەند بەندەیەکى خۆشویست ئەوا شیرینى دەکات ؟ یارانیش پرسیان واتاى شیرینیدەکات چییە؟ فەرمووى: رام و سەرکەوتوویدەکات لەسەر کاروپیشەیەکى چاک و باش بەرلەوەى ئەجەلى دابێت هەتا دراوسێ و دەوروبەرى لێى رازیبن)) (پێشەوا ئەحمەد و ئیبن حیبان و حاکم) گێڕاویانەتەوە. (شێخى ئەلبانى بەفەرموودەیەکى دروستى داناوە) نیشانەکانى کەبەڵگەن لەسەر خۆشەویستى بەندە بۆ خوداوەند 1/ئالوودەبوونى گەیشتن بەدیدارى خوداوەند: پێغەمبەرى خودا( درودى خواى لەسەربێت) دەفەرموێت: ((هەرکەسێک ئالوودەو خوازیارى گەیشتن بێت بەدیدارى خوداوەند ئەوە خوداوەندیش ئالوودەى گەیشتنە بەدیدارى ، ئەوەى حەز نەکات بگات بەدیدارى خوداوەند ئەویش خەشم و قینى لەدیدارى دەبێتەوە)) (بوخارى و موسلیم گێڕاویانەتەوە). عاشقى پەروەردگار هەمیشە یادو زیکرى پەروەردگارەکەى دەکاتەوە و خوازیارى چاوپێکەوتن و دیداریەتى، بێگومان سێ وادەش هەیە یەکەم: لەکاتى مردند و دووەمیش رۆژى قیامەت و سێیەمیش: چاوپێکەوتنى بەندەیە بەپەروەردگار لەبەهەشتد و روانینە بۆ رووخسارى. 2/شادو دڵخۆشبێت بەخەڵوەت کاتێ بەتەنیا دەبێت، چونکە تێدا قورئانى پیرۆز دەخوێنێتەوەو شەونوێژ دەکات و سوود لەهێمنى شەو وەردەگرێ و سەرجەم کۆسپ و بەربەستەکان دەبەزێنێ. 3/ئارامگرتن لەسەر ناخۆشى و ناسۆرییەکان چونکە باشترین رێگەیە بۆ بەدەستهێنانى خۆشەویستى خوداوەند. 4/دەبێت خوداو پێغەمبەرى لەهەموو شتێک لەلا خۆشەویستر بێت. 5/هەمیشە حەزو ئارەزووى یادو زیکرى خوداوەند بکات بەزوبان و دڵ، بێگومان ئەوەى شتێکى خۆشبوێت خوازیارە هەمیشە باس و خواسى لەسەر زاریبێت بێگومان خۆشەویستى پەروەردگار لەسەرجەم خۆشەویستیەکان لەپێشترە. 6/عاشق و شەیداى پەروەردگار هەرکات باسى پەروەردگار دەکرێ دەبێ دڵى دابخورپێ و ئەشک و فرمێسک بەچاوەکانیدا هۆن هۆن بێتەخوارەوە. 7/دەبێت خەم و پەارە بخوات بۆ ئەوساتانەى بەدوور لەزیکرو یادى خوداوەند بەسەریبردوە. 8/هەرگیز هەوڵ و کۆششى خۆى بەزۆر نەزانێت لەئاستى پەروەردگارەکەى چونکە ئەو سەرچاوەى نازونیعمەتەکانى بەندەیە. ئەو هۆکارانەى دەبنە هۆى بەدەستهێنانى خۆشەویستى پەروەردگار 1//خوێندنى قورئانى پیرۆز و تێگەیشتن لەواتاکانى خوداوەند دەفەرموێت [ افلا یتدبرون القران ام على قلوب اقفالها] . 2//نزیکبوونەوە لەخوداوەند بەسوننەتەکان دواى فەرزەکان چونکە سونەتەکان مەردوم دەگەیەنێت بەپلەوپایەى تایبەت هەروەک لەفەرموودەیەکى قودسیدا هاتوە(( ئەوەى دژایەتى وەلیەکى من بکات ئەوا من لەگەڵى بەجەنگ دێم و هیچ شتێک ئەوەندەى فەرزەکان گرنگ نییە لام بەندە بەهۆیانەوە نزیک ببێتەوە لێم، بەردەوام بەندە بەسوننەتەکان نزیکدەبێتەوە لێم هەتا خۆشم دەوێت ...)). 3//دەبێت خۆشەویستى پەروەردگار بەچەشنێ کاریگەر بێت لەسەرى هەرکات نەفس زۆرى بۆ هێنا ئەوا لەفەرمان و رێنماییەکانى دەرنەچێت. 4//بەدیکردنى چاکەى پەروەردگار و ئەو هەموو نیعمەت و بەخششانەى رشتویەتى بەسەر بەندەدا ، هەرکات دڵى مەردوم نیعمەت و بەخششێک لەکەسێکەوە بەدیبکات ئەوا خۆشیدەوێت. 5//لیکۆڵینەوەو راڤەکردنى ناوەجوانەکانى پەروەردگار لەگەڵ سیفەتە بەرزو باڵاکانى و ناسینى بەدڵ، هەرکەس پەروەردگار بناسێت خۆشیدەوێت. ئەو حاڵ وبارانەى پەروەردگار خاوەن و بەجێهێنەرەکانى خۆشدەوێت 1/چاکەکاران : [ واحسنوا ان الله یحب المحسنین ]. 2/تەوبەکاران: [ ان الله یحب التوابین ویحب المتطهرین ]. 3/خواناسان: [ والله یحب المتقین ]. 4/دادپەروەران : [واقسطوا ان الله یحب المقسطین ]. 5/ئەوانەى پشت بەخوداوەند دەبەستن : [ ان الله یحب المتوکلین ]. 6/خوداوەند خۆشحاڵە گەر شوێنەوارى نازو نیعمەتى بەسەر بەندەیەوە بەدیبکات ، پێغەمبەرى خوا (درودى خواى لەسەربێت) دەفەرموێت: ((خوداوەند خۆشحاڵە گەر شوێنەوارى نازونیعمەت و بەخششى بەسەر بەندەکانەوە ببینێت)). سیفەتەکانى ئەویندارانى خوداوەند 1)بەسۆزو میهرن بەرانبەر باوەڕداران،لەمیانەى باسى سۆزو میهردا خوداوەند گوزارشت لەسیفەتى باڵاى پێغەمبەر دەکات کەوا چەند بەسۆزو میهرو بەزەییە بەرانبەر باوەڕداران [ لقد جاءکم رسول من انفسکم عزیز علیه ما عنتم حریص علیکم بالمؤمنین رءوف رحیم ]. 2)خاوەن رێزوکەسێتین لەبەرانبەر بێباوەڕاندا [ محمد رسول الله والذین معه اشداء علىالکفار رحماء بینیهم ] [ الفتح: 29). چەند تێبینیەک بۆ خۆشەویستانى پەروەردگارواپێویست ئەوکەسەى رێبازى خۆشەویستى پەروەردگار دەگرێتەبەر چەند هەنگاوێ بنێ هەتا پتر بتوانێت پەروەردگارى خۆشبوێت: 1/ناسینى مەزنى پەروەرگار و زانینى ئەوەى کەخۆشەویستى ئەو چڵەپۆى خۆشحاڵى و کامەرانییە. 2/خوێندنەوەى ئەو کتێبانەى بەسەرهاتى خۆشەویستانى پەروەردگار دەگێڕنەوە. 3/ناسین و دۆزینەوەى ئەو هۆکارانەى دەبنە هۆى بەدەستهێنانى خۆشەویستى پەروەردگار. 4/خۆشەویستیمان بۆ پەروەردگار دەبێ بەدڵ و زوبان و سەرجەم ئەندامەکانى لاشەبێت. ئه‌م بابه‌ته ‌ 2577 جار خوێندراوه‌ته‌وه‌ 13/02/2015

خۆشەویستى پەروەردگار

ئەم پلەوپایەیە پێگەى پێشبڕکێکارانەو کارگوزارانى رێبازى خواناسى هەمیشە بێ وچان هەنگاویان بۆ هەڵگرتوە، هەر ئەم پلەوپایەیەشە
خۆراکى دڵ و روحە و خواناسان چاویان پێى گەش و رۆشن بوە لەدنیادا.
*خۆشەویستى پەروەردگار لەخودى خۆیدا ژیان و بوونە ئەوەى لێى بێبەش بێت ئەوا لەریزى
مردوواندا ئەژمەردە دەکرێت...
*خۆشەویستى پەروەردگار نورێکە هەرکەسێک ونیبکات ئەوا لەزەریاکانى تاریکاییدا وێڵ و سەرگەردان دەبێت...
*خۆشەویستى پەروەردگار چارەسەرە بۆ دڵە زامدارو بریندارەکان و چێژێکە هەرکەسێک نەیچێژێ
ئەوا سەراپاى تەمەنى لەخەم و پەژارەو ئاه و حەسرەتا بەسەر دەبات...
*خۆشەویستى پەروەردگار خواناسان بەدڵ و گیان و روح دەگوێزێتەوە بۆ پلەوپایە بەرزو باڵاکان
دەیانگەیەنێت بەوئاستەى تێدا هەست بەکامڵى و تەواوى بکەن...
بۆیە دەبینین هەر ئەویندارانى پەروەردگاربوو رێزى دنیاو قیامەتیان بەدەستهێناو خۆیانگەیاندە
ئاست و پلەى رەزامەندى...
خۆشەویستى لەزمانەوانیدا: لەخۆشەویستییەوە هاتوە ، هەروەها وتراوە لەبناغەدا
لەپاکییەوە وەرگیراوە.
نیشانەکانى خۆشەویستى پەروەردگار بۆ بەندە
هەرکات بەندە هەستیکرد ئەم نیشانانەى تێدایە ئەوا بەڵگەیە لەسەر ئەوەى
پەروەردگار خۆشى دەوێت:
1/چاودێریکردن هەر لەمنداڵییەوەو رێنماییکردن و دڵ وابەستەبوونى خوداو رامبوونى ئەندامەکانى لاشە بەچەشنێ زوبان و ئەندامەکان
هەمیشە لەگوێڕایەڵى پەروەردگاردابن.
2/خۆشویستنى بەندە لاى خەڵکى ، پێغەمبەرى خوا (درودى خواى لەسەربێت) دەفەرموێت: ((ئەگەر پەروەردگار بەندەیەکى
خۆشویست ئەوا جوبرەئیل بانگدەکات و دەفەرموێت: من فڵان بەندەم خۆش دەوێت تۆش
خۆشت بوێت، پاشان جوبرەئیل بەنێو ئاسماندا بانگدەکات و دەفەرموێت: خوداوەند
فڵانە بەندەى خۆشدەوێت ئێوەش خۆشتان بوێت ئەوجا ئەوانەى لەنێو ئاسمانن خۆشیان
دەوێت و پاشان لەسەر زەوى پەسەند و خۆشەویست دەبێ لاى خەڵکى)) (بوخارى و موسلیم)
گێڕاویانەتەوە.
3/تاقیکردنەوە: (ئەنەس) ـ رەزاى خواى لێبێت ـ لەپێغەمبەرى
خواوە (دروودى خواى لێبێت ـ دەگێڕێتەوەو دەفەرموێت: پێغەمبەرى خوا ــ دردوودى
خواى لەسەربێت ـ فەرمووی: (( گەورەیى و مەزنى پاداشت بەهۆى گەورەیى و مەزنى
بەڵاو نەهامەتییەوەیە و ئەگەر خوداوەند گرۆه و کۆمەڵێکى خۆشبوێت ئەوا
تاقیاندەکاتەوەو ئەوەى رازیبێت پەروەردگار لێى رازیدەبێت و ئەوەشى
ناسوپاسگوزاربێت خەشم و قینى بۆ دەبێت، ئەوجا بەشێوەى جۆراوجۆرى بەڵاو نەهامەتى
تاقیاندەکاتەوەو لەگوناه و تاوان پاکیان دەکاتەوە)).
4/مردن لەسەر کارێکى باش هەروەک چۆن پێغەمبەرى خوا (درودى خواى لەسەربێت) دەفەرموێت: ((ئەگەر
خوداوەند بەندەیەکى خۆشویست ئەوا شیرینى دەکات ؟ یارانیش پرسیان واتاى
شیرینیدەکات چییە؟ فەرمووى: رام و سەرکەوتوویدەکات لەسەر کاروپیشەیەکى چاک و
باش بەرلەوەى ئەجەلى دابێت هەتا دراوسێ و دەوروبەرى لێى رازیبن)) (پێشەوا
ئەحمەد و ئیبن حیبان و حاکم) گێڕاویانەتەوە. (شێخى ئەلبانى بەفەرموودەیەکى
دروستى داناوە) نیشانەکانى کەبەڵگەن لەسەر خۆشەویستى بەندە بۆ خوداوەند
1/ئالوودەبوونى گەیشتن بەدیدارى خوداوەند:
پێغەمبەرى خودا( درودى خواى لەسەربێت) دەفەرموێت: ((هەرکەسێک ئالوودەو خوازیارى گەیشتن بێت بەدیدارى
خوداوەند ئەوە خوداوەندیش ئالوودەى گەیشتنە بەدیدارى ، ئەوەى حەز نەکات بگات
بەدیدارى خوداوەند ئەویش خەشم و قینى لەدیدارى دەبێتەوە)) (بوخارى و موسلیم
گێڕاویانەتەوە).
عاشقى پەروەردگار هەمیشە یادو زیکرى پەروەردگارەکەى
دەکاتەوە و خوازیارى چاوپێکەوتن و دیداریەتى، بێگومان سێ وادەش هەیە یەکەم:
لەکاتى مردند و دووەمیش رۆژى قیامەت و سێیەمیش: چاوپێکەوتنى بەندەیە
بەپەروەردگار لەبەهەشتد و روانینە بۆ رووخسارى.
2/شادو دڵخۆشبێت بەخەڵوەت کاتێ بەتەنیا دەبێت، چونکە تێدا قورئانى پیرۆز دەخوێنێتەوەو شەونوێژ دەکات و
سوود لەهێمنى شەو وەردەگرێ و سەرجەم کۆسپ و بەربەستەکان دەبەزێنێ.
3/ئارامگرتن لەسەر ناخۆشى و ناسۆرییەکان چونکە باشترین رێگەیە بۆ بەدەستهێنانى خۆشەویستى
خوداوەند.
4/دەبێت خوداو پێغەمبەرى لەهەموو شتێک لەلا خۆشەویستر بێت.
5/هەمیشە حەزو ئارەزووى یادو زیکرى خوداوەند بکات بەزوبان و دڵ، بێگومان ئەوەى
شتێکى خۆشبوێت خوازیارە هەمیشە باس و خواسى لەسەر زاریبێت بێگومان خۆشەویستى
پەروەردگار لەسەرجەم خۆشەویستیەکان لەپێشترە.
6/عاشق و شەیداى پەروەردگار
هەرکات باسى پەروەردگار دەکرێ دەبێ دڵى دابخورپێ و ئەشک و فرمێسک بەچاوەکانیدا
هۆن هۆن بێتەخوارەوە.
7/دەبێت خەم و پەارە بخوات بۆ ئەوساتانەى بەدوور
لەزیکرو یادى خوداوەند بەسەریبردوە.
8/هەرگیز هەوڵ و کۆششى خۆى بەزۆر
نەزانێت لەئاستى پەروەردگارەکەى چونکە ئەو سەرچاوەى نازونیعمەتەکانى بەندەیە.
ئەو هۆکارانەى دەبنە هۆى بەدەستهێنانى خۆشەویستى پەروەردگار
1//خوێندنى قورئانى پیرۆز و تێگەیشتن لەواتاکانى خوداوەند دەفەرموێت [ افلا یتدبرون القران
ام على قلوب اقفالها] .
2//نزیکبوونەوە لەخوداوەند بەسوننەتەکان دواى فەرزەکان چونکە سونەتەکان مەردوم دەگەیەنێت بەپلەوپایەى تایبەت هەروەک
لەفەرموودەیەکى قودسیدا هاتوە(( ئەوەى دژایەتى وەلیەکى من بکات ئەوا من لەگەڵى
بەجەنگ دێم و هیچ شتێک ئەوەندەى فەرزەکان گرنگ نییە لام بەندە بەهۆیانەوە نزیک
ببێتەوە لێم، بەردەوام بەندە بەسوننەتەکان نزیکدەبێتەوە لێم هەتا خۆشم دەوێت
...)).
3//دەبێت خۆشەویستى پەروەردگار بەچەشنێ کاریگەر بێت لەسەرى هەرکات
نەفس زۆرى بۆ هێنا ئەوا لەفەرمان و رێنماییەکانى دەرنەچێت.
4//بەدیکردنى چاکەى پەروەردگار و ئەو هەموو نیعمەت و بەخششانەى رشتویەتى بەسەر بەندەدا ،
هەرکات دڵى مەردوم نیعمەت و بەخششێک لەکەسێکەوە بەدیبکات ئەوا خۆشیدەوێت.
5//لیکۆڵینەوەو راڤەکردنى ناوەجوانەکانى پەروەردگار لەگەڵ سیفەتە بەرزو
باڵاکانى و ناسینى بەدڵ، هەرکەس پەروەردگار بناسێت خۆشیدەوێت.
ئەو حاڵ وبارانەى پەروەردگار خاوەن و بەجێهێنەرەکانى خۆشدەوێت
1/چاکەکاران : [ واحسنوا ان الله یحب المحسنین ].
2/تەوبەکاران: [ ان الله یحب التوابین ویحب المتطهرین ].
3/خواناسان: [ والله یحب المتقین ].
4/دادپەروەران : [واقسطوا ان الله یحب المقسطین ].
5/ئەوانەى پشت بەخوداوەند دەبەستن : [ ان الله یحب المتوکلین ].
6/خوداوەند خۆشحاڵە گەر شوێنەوارى نازو نیعمەتى
بەسەر بەندەیەوە بەدیبکات ، پێغەمبەرى خوا (درودى خواى لەسەربێت) دەفەرموێت: ((خوداوەند
خۆشحاڵە گەر شوێنەوارى نازونیعمەت و بەخششى بەسەر بەندەکانەوە ببینێت)).
سیفەتەکانى ئەویندارانى خوداوەند
1)بەسۆزو میهرن بەرانبەر باوەڕداران،لەمیانەى باسى سۆزو میهردا خوداوەند گوزارشت لەسیفەتى باڵاى پێغەمبەر دەکات
کەوا چەند بەسۆزو میهرو بەزەییە بەرانبەر باوەڕداران [ لقد جاءکم رسول من انفسکم عزیز علیه ما عنتم حریص علیکم بالمؤمنین رءوف رحیم ].
2)خاوەن رێزوکەسێتین لەبەرانبەر بێباوەڕاندا [ محمد رسول الله والذین معه اشداء علىالکفار رحماء بینیهم ] [ الفتح: 29).
چەند تێبینیەک بۆ خۆشەویستانى پەروەردگارواپێویست ئەوکەسەى رێبازى خۆشەویستى پەروەردگار دەگرێتەبەر
چەند هەنگاوێ بنێ هەتا پتر بتوانێت پەروەردگارى خۆشبوێت:
1/ناسینى مەزنى پەروەرگار و زانینى ئەوەى کەخۆشەویستى ئەو چڵەپۆى خۆشحاڵى و کامەرانییە.
2/خوێندنەوەى ئەو کتێبانەى بەسەرهاتى خۆشەویستانى پەروەردگار دەگێڕنەوە.
3/ناسین و دۆزینەوەى ئەو هۆکارانەى دەبنە هۆى بەدەستهێنانى خۆشەویستى پەروەردگار.
4/خۆشەویستیمان بۆ پەروەردگار دەبێ بەدڵ و زوبان و سەرجەم ئەندامەکانى لاشەبێت.

ئه‌م بابه‌ته ‌ 2577 جار خوێندراوه‌ته‌وه‌

13/02/2015

بۆچوون بنێره

هیچ کۆمێنتێک نه‌نوسراوه‌ .

ژماره‌ی بۆچوون

تکایه‌ سه‌رنجێک مه‌نوسه‌ که‌له‌گه‌ڵ ڕه‌وشتی گه‌له‌که‌مان ناگونجێت ئه‌م سه‌رنجانه‌ پاش پیاچوونه‌وه‌ بڵاوده‌کرێنه‌وه‌.

بابه‌تی زیاتر ...

پله‌وپایه‌كانی‌به‌ندایه‌تی دڵسۆزی‌ باوكی‌ چراخان ...

ته‌وبه‌كردن ...

ئارامگرتن( پلەو پاپەکانى بەندایەتى 1) ...