سه‌نته‌ری سه‌لاحه‌دین |

عومه‌ری ‌كوڕی‌ خه‌تتاب ئه‌لقه‌ی (2) باوکی چراخان سیفه‌ته‌كانی‌(عومه‌ر) ـ ره‌زای‌ خوای‌ لێبێت ـ : (عومه‌ر) ی‌ كوڕی‌ (خه‌تتاب) ـ ره‌زای‌ خوای‌ لێبێت ـ بالاَبه‌رزبوو، كاتێ‌ له‌دووره‌وه‌ بڕۆیشتایه‌ واده‌زانرا سواری‌ ولاَخ بووه‌و ماسولكه‌كانی‌ تۆكمه‌و پته‌وبوون‌و جه‌سته‌ گه‌وره‌بوو، سپییه‌كی‌ سورباوبوو، رووخساری‌ زۆر جوان‌و سه‌رنج راكێشبوو ، قژ رووتاوه‌بوو، به‌پێچه‌وانه‌ی‌ (ئه‌بوبه‌كر)ه‌وه‌ كه‌وا قژی‌ پڕو چڕبوو ، شایه‌نی‌ باسه‌ رۆژێكیان یه‌كێك له‌هاوه‌لاَن پرسی‌: سه‌ری‌ رووتاوه‌ باشه‌ یان قژی‌ چڕو پڕ ؟ هه‌ستیكرد ئاماژه‌یه‌كه‌ بۆ باسی‌ (ئه‌بوبه‌كر) بۆیه‌ وتی‌: قژی‌ چڕو پڕ باشتره‌. كاتێ‌ ده‌ڕۆیشت به‌ڕێوه‌ وه‌ك ئه‌وه‌وابوو زه‌وی‌ بكوتێته‌وه‌‌و ئه‌گه‌ر بدوایه‌ سه‌رجه‌م ریزه‌كان گوێیان له‌ده‌نگی‌ ده‌بوو..جیاوازی‌ هه‌یه‌ سه‌باره‌ت به‌ره‌نگی‌ پێستی‌ (عومه‌ر)‌و هه‌ندێك ده‌ڵێن سپیه‌كی‌ مه‌یله‌و سوربووه‌ ، هه‌ندێكیش ده‌ڵێن : ئه‌سمه‌ر بووه‌ ، ئه‌م جیاوازیه‌ش ده‌گه‌ڕێته‌وه‌ بۆ ئه‌و برسێتیه‌ی‌ هات به‌سه‌ر نیمچه‌دوورگه‌ی‌ عه‌ره‌بیدا‌و (عومه‌ر) گۆشتی‌ له‌سه‌ر خۆی‌ حه‌رامكردو به‌ته‌نیا نان‌و رۆنی‌ ده‌خواردو ئه‌مه‌شبوو به‌هۆی‌ گۆڕانی‌ ره‌نگی‌ پێستی‌... ئه‌وانه‌ی‌ كه‌ده‌ڵێن سپی‌بوو به‌رله‌داكه‌وتنی‌ برسێتی‌ بینیویانه‌ ، ئه‌وانه‌شی‌ دوای‌ ره‌وانه‌وه‌ی‌ برسێتیه‌كه‌ بینیویانه‌ به‌ئه‌سمه‌ریان داناوه‌..ته‌نانه‌ت موسوڵمانان به‌ڕاده‌یه‌كی‌ كاریگه‌ر دوعاو نزایان ده‌كرد بۆ ره‌وانه‌وه‌ی‌ برسێتی‌‌و قات‌و قڕی‌ تا (عومه‌ر) له‌وقه‌یران‌و حاڵ‌و باره‌ قوتارببێت.. له‌نزاكانی‌ پێغه‌مبه‌ری‌ خوا(صلی الله‌ علیه‌ وسلم) ئه‌وه‌بوو ده‌یفه‌رموو: "په‌روه‌ردگارا ئیسلام به‌یه‌كێك له‌و دوو (عومه‌ر)ه‌ بالاَو به‌رزبكه‌؛ عومه‌ری‌ كوڕی‌ خه‌تتاب‌و عه‌مری‌ كوڕی‌ هیشام.. " چی‌ وایكرد له‌پێغه‌مبه‌ر(صلی الله‌ علیه‌ وسلم) دوعا بۆئه‌و دوانه‌ بكات ، یاخود سیفه‌تی‌ هاوبه‌شی‌ نێوانیان چی‌بوو هه‌تا پێغه‌مبه‌ر(صلی الله‌ علیه‌ وسلم) دوعایان بۆ بكات ، وێڕای‌ جیاوازییه‌كی‌ ته‌واو له‌كۆتاو دواییی‌ هه‌ریه‌كێكیاندا.. له‌راستیدا خاڵی‌ هاوبه‌شی‌ نێوانیان پۆزه‌تیڤ‌و كاریگه‌ره‌ ، باشترین حاڵێك بۆ مرۆڤ ئه‌وه‌یه‌ كاتێ‌ له‌كۆمه‌ڵگه‌دا ده‌ژی‌ پۆزه‌تیڤ‌و كاریگه‌ربێت ، به‌دو خراپترین باریش نێگه‌تیڤ بوونه‌‌و كه‌وتنه‌ ژێر كاریگه‌ری‌ ده‌وروبه‌ره‌..خاڵی‌ هاوبه‌شی‌ نێوان هه‌ردووكه‌سێتی‌ پۆزه‌تیڤ بوونیان بوو.. سه‌ره‌تای‌ موسوڵمان بوونی‌ (عومه‌ر)ی‌ كوڕی‌ (خه‌تتاب) ـ ره‌زای‌ خوای‌ لێبێت ـ به‌دوعای‌ پێغه‌مبه‌ر(صلی الله‌ علیه‌ وسلم) ده‌ستی‌ پێكرد ، خۆزگه‌ ئێمه‌ش به‌نهێنی‌ دوعامان بۆیه‌ك ده‌كرد تا خوداوه‌ند رێنوماییمان بكات.. من یه‌كێك ده‌ناسم به‌تایبه‌ت چوو بۆ به‌جێهێنانی‌ (عه‌مره‌) هه‌تا له‌و مه‌نزڵگه‌ پیرۆزانه‌ دوعای‌ رێنمایی‌ بكات بۆ یه‌كێكی‌تر‌و كاتێ‌ گه‌ڕایه‌وه‌ ئه‌و كه‌سه‌ په‌یوه‌ندی‌ پێوه‌ ده‌كات‌و داوای‌ ئه‌وه‌ی‌ لێده‌كات یاوه‌ری‌ بێت له‌چوون بۆ مزگه‌وتدا! (عومه‌ر) ـ ره‌زای‌ خوای‌ لێبێت ـ كه‌نیزه‌كێكی‌ هه‌بوو موسوڵمانبووبوو، ئه‌ویش زۆر لێیده‌داو كاتێ‌ ماندو شه‌كه‌ت ده‌بوو له‌لێدانی‌ ده‌یگوت: به‌وخوایه‌ گه‌رماندو نه‌بوومایه‌ ده‌ستم له‌ئازارو ئه‌شكه‌نجه‌دانت هه‌ڵنه‌ده‌گرت ، كه‌نیزه‌كه‌كه‌ش ده‌یوت: ته‌ماشاكه‌ بزانه‌ خوداوه‌ند چی‌ لێبه‌سه‌ر هێناویت.. نه‌فسی‌ ئاماده‌ئه‌كرد بۆشه‌ڕی‌ ئیسلام‌و رێگری‌ خه‌ڵك‌و پێغه‌مبه‌رو دوورخستنه‌وه‌ی‌ ئه‌وانه‌ی‌ ده‌یانه‌وێت په‌یوه‌ندی‌ بكه‌ن به‌ ئیسلامه‌وه‌ ، ته‌نانه‌ت جارێكیان دوای‌ پێغه‌مبه‌ر كه‌وتبوو كه‌رووبه‌(كه‌عبه‌) ده‌چوو تانویژ بكات‌و كاتێ‌ ته‌ماشای‌ دوای‌ خۆیكرد بینی‌ (عومه‌ر) شوێنی‌ كه‌وتوه‌و پێی‌ وت: "عومه‌ر بۆ شه‌وو رۆژ وازم لێناهێنیت!! ". رابمێنن له‌سه‌ر دڵڕه‌قی‌ (عومه‌ر) به‌ر له‌ موسوڵمانبونی‌ ته‌نانه‌ت موسوڵمانان لێی‌ ده‌ترسان‌و خۆیان لێده‌پاراست ، به‌لاَم بانگه‌وازی‌ پێغه‌مبه‌ر(صلی الله‌ علیه‌ وسلم) ورده‌ ورده‌ كاریگه‌ری‌ له‌سه‌ر دروستده‌كردو رایه‌ڵه‌كانی‌ گومان‌و دوودڵیان لاپێكده‌هێنا ، كاتێ‌ گوێبیستی‌ قورئان ده‌بوو پێغه‌مبه‌ر(صلی الله‌ علیه‌ وسلم) سووره‌تی‌(الحاقه‌)ی‌ ده‌خوێنده‌وه‌ (عومه‌ر) له‌دڵ‌و ده‌روونیدا ده‌یوت: ئه‌مه‌ شاعیره‌ ، پێغه‌مه‌ریش به‌قورئان وه‌لاَمی‌ ده‌دایه‌وه‌ [ وَمَا هُوَ بِقَوْلِ شَاعِرٍ قَلِيلاً مَا تُؤْمِنُونَ ] (الحاقه‌:41) ، ئه‌وجا (عومه‌ر) له‌نه‌فسی‌ خۆیدا ده‌یوت: كه‌واته‌ زه‌یوانه‌ ـ كاهن ـ ئه‌وجا ئایه‌تی‌ [ وَلا بِقَوْلِ كَاهِنٍ قَلِيلاً مَا تَذَكَّرُونَ ، تَنْزِيلٌ مِنْ رَبِّ الْعَالَمِينَ ] (الحاقه‌:43)پاشان شیرینی‌ ئیسلام خۆی‌ ده‌هاویشته‌ نێو دڵی‌‌و گێرمه‌وكێشمه‌‌و پێكدادانی‌ ده‌روونی‌ له‌ناخیا دروست ده‌بوو .. له‌ساڵی‌ شه‌شه‌می‌ كۆچیدا پێغه‌مبه‌ر(صلی الله‌ علیه‌ وسلم) فه‌رمانیدا به‌ هه‌ندێك له‌یارانی‌ كۆچ بكه‌ن بۆ (حه‌به‌شه‌) ، (عومه‌ر) ئافره‌تێكی‌ خزمی‌ بینی‌ شت‌ومه‌ك‌و پێداویستی‌ كۆده‌كاته‌وه‌و به‌سه‌رسووڕمانه‌وه‌ وتی‌: بۆ كوێ‌ ده‌چن ؟ وتی‌: هه‌ڵدێین به‌ئاینه‌كه‌مانه‌وه‌، زۆر‌و سته‌متان لێكردین ، به‌ئاه‌و حه‌سره‌تێكه‌وه‌ وتی‌: كه‌واته‌ سه‌ری‌ خۆتان هه‌ڵده‌گرن‌و ده‌ڕۆن ، خواحافیزتان بێت.. له‌م وته‌یه‌ی‌ دوایی (عومه‌ر)دا ئه‌و ژنه‌ هه‌ستی‌ به‌سۆزو نه‌رم‌و نیانی‌كرد‌و بۆ مێرده‌كه‌ی‌ گێڕایه‌وه‌ ئه‌ویش وتی‌: چاوه‌ڕێیت موسوڵمان ببێت ؟ ژنه‌كه‌ش وتی‌: به‌ڵێ‌، مێرده‌كه‌ی‌ وتی‌: گوێدرێژانی‌ (خه‌تتاب) موسوڵمان ده‌بن به‌لاَم ئه‌و موسوڵمان نابێت.. به‌لاَم ویستی‌ خوا به‌جۆرێكی‌ هه‌ماهه‌نگ‌و هاوتای‌ ویستی‌ ئه‌و ئافره‌ته‌بوو (عومه‌ر) موسوڵمانبوو له‌سه‌ر ده‌ستی‌ ئافره‌تێكدا .. ئه‌م بابه‌ته ‌ 2508 جار خوێندراوه‌ته‌وه‌ 19/02/2015

عومه‌ری ‌كوڕی‌ خه‌تتاب ئه‌لقه‌ی (2) باوکی چراخان

سیفه‌ته‌كانی‌(عومه‌ر) ـ ره‌زای‌ خوای‌ لێبێت ـ :
(عومه‌ر) ی‌ كوڕی‌ (خه‌تتاب) ـ ره‌زای‌ خوای‌ لێبێت ـ بالاَبه‌رزبوو، كاتێ‌ له‌دووره‌وه‌ بڕۆیشتایه‌ واده‌زانرا سواری‌ ولاَخ بووه‌و ماسولكه‌كانی‌ تۆكمه‌و پته‌وبوون‌و جه‌سته‌ گه‌وره‌بوو، سپییه‌كی‌ سورباوبوو، رووخساری‌ زۆر جوان‌و سه‌رنج راكێشبوو ، قژ رووتاوه‌بوو، به‌پێچه‌وانه‌ی‌ (ئه‌بوبه‌كر)ه‌وه‌ كه‌وا قژی‌ پڕو چڕبوو ، شایه‌نی‌ باسه‌ رۆژێكیان یه‌كێك له‌هاوه‌لاَن پرسی‌: سه‌ری‌ رووتاوه‌ باشه‌ یان قژی‌ چڕو پڕ ؟ هه‌ستیكرد ئاماژه‌یه‌كه‌ بۆ باسی‌ (ئه‌بوبه‌كر) بۆیه‌ وتی‌: قژی‌ چڕو پڕ باشتره‌.
كاتێ‌ ده‌ڕۆیشت به‌ڕێوه‌ وه‌ك ئه‌وه‌وابوو زه‌وی‌ بكوتێته‌وه‌‌و ئه‌گه‌ر بدوایه‌ سه‌رجه‌م ریزه‌كان گوێیان له‌ده‌نگی‌ ده‌بوو..جیاوازی‌ هه‌یه‌ سه‌باره‌ت به‌ره‌نگی‌ پێستی‌ (عومه‌ر)‌و هه‌ندێك ده‌ڵێن سپیه‌كی‌ مه‌یله‌و سوربووه‌ ، هه‌ندێكیش ده‌ڵێن : ئه‌سمه‌ر بووه‌ ، ئه‌م جیاوازیه‌ش ده‌گه‌ڕێته‌وه‌ بۆ ئه‌و برسێتیه‌ی‌ هات به‌سه‌ر نیمچه‌دوورگه‌ی‌ عه‌ره‌بیدا‌و (عومه‌ر) گۆشتی‌ له‌سه‌ر خۆی‌ حه‌رامكردو به‌ته‌نیا نان‌و رۆنی‌ ده‌خواردو ئه‌مه‌شبوو به‌هۆی‌ گۆڕانی‌ ره‌نگی‌ پێستی‌... ئه‌وانه‌ی‌ كه‌ده‌ڵێن سپی‌بوو به‌رله‌داكه‌وتنی‌ برسێتی‌ بینیویانه‌ ، ئه‌وانه‌شی‌ دوای‌ ره‌وانه‌وه‌ی‌ برسێتیه‌كه‌ بینیویانه‌ به‌ئه‌سمه‌ریان داناوه‌..ته‌نانه‌ت موسوڵمانان به‌ڕاده‌یه‌كی‌ كاریگه‌ر دوعاو نزایان ده‌كرد بۆ ره‌وانه‌وه‌ی‌ برسێتی‌‌و قات‌و قڕی‌ تا (عومه‌ر) له‌وقه‌یران‌و حاڵ‌و باره‌ قوتارببێت..
له‌نزاكانی‌ پێغه‌مبه‌ری‌ خوا(صلی الله‌ علیه‌ وسلم) ئه‌وه‌بوو ده‌یفه‌رموو: "په‌روه‌ردگارا ئیسلام به‌یه‌كێك له‌و دوو (عومه‌ر)ه‌ بالاَو به‌رزبكه‌؛ عومه‌ری‌ كوڕی‌ خه‌تتاب‌و عه‌مری‌ كوڕی‌ هیشام.. " چی‌ وایكرد له‌پێغه‌مبه‌ر(صلی الله‌ علیه‌ وسلم) دوعا بۆئه‌و دوانه‌ بكات ، یاخود سیفه‌تی‌ هاوبه‌شی‌ نێوانیان چی‌بوو هه‌تا پێغه‌مبه‌ر(صلی الله‌ علیه‌ وسلم) دوعایان بۆ بكات ، وێڕای‌ جیاوازییه‌كی‌ ته‌واو له‌كۆتاو دواییی‌ هه‌ریه‌كێكیاندا..
له‌راستیدا خاڵی‌ هاوبه‌شی‌ نێوانیان پۆزه‌تیڤ‌و كاریگه‌ره‌ ، باشترین حاڵێك بۆ مرۆڤ ئه‌وه‌یه‌ كاتێ‌ له‌كۆمه‌ڵگه‌دا ده‌ژی‌ پۆزه‌تیڤ‌و كاریگه‌ربێت ، به‌دو خراپترین باریش نێگه‌تیڤ بوونه‌‌و كه‌وتنه‌ ژێر كاریگه‌ری‌ ده‌وروبه‌ره‌..خاڵی‌ هاوبه‌شی‌ نێوان هه‌ردووكه‌سێتی‌ پۆزه‌تیڤ بوونیان بوو..
سه‌ره‌تای‌ موسوڵمان بوونی‌ (عومه‌ر)ی‌ كوڕی‌ (خه‌تتاب) ـ ره‌زای‌ خوای‌ لێبێت ـ به‌دوعای‌ پێغه‌مبه‌ر(صلی الله‌ علیه‌ وسلم) ده‌ستی‌ پێكرد ، خۆزگه‌ ئێمه‌ش به‌نهێنی‌ دوعامان بۆیه‌ك ده‌كرد تا خوداوه‌ند رێنوماییمان بكات..
من یه‌كێك ده‌ناسم به‌تایبه‌ت چوو بۆ به‌جێهێنانی‌ (عه‌مره‌) هه‌تا له‌و مه‌نزڵگه‌ پیرۆزانه‌ دوعای‌ رێنمایی‌ بكات بۆ یه‌كێكی‌تر‌و كاتێ‌ گه‌ڕایه‌وه‌ ئه‌و كه‌سه‌ په‌یوه‌ندی‌ پێوه‌ ده‌كات‌و داوای‌ ئه‌وه‌ی‌ لێده‌كات یاوه‌ری‌ بێت له‌چوون بۆ مزگه‌وتدا!
(عومه‌ر) ـ ره‌زای‌ خوای‌ لێبێت ـ كه‌نیزه‌كێكی‌ هه‌بوو موسوڵمانبووبوو، ئه‌ویش زۆر لێیده‌داو كاتێ‌ ماندو شه‌كه‌ت ده‌بوو له‌لێدانی‌ ده‌یگوت: به‌وخوایه‌ گه‌رماندو نه‌بوومایه‌ ده‌ستم له‌ئازارو ئه‌شكه‌نجه‌دانت هه‌ڵنه‌ده‌گرت ، كه‌نیزه‌كه‌كه‌ش ده‌یوت: ته‌ماشاكه‌ بزانه‌ خوداوه‌ند چی‌ لێبه‌سه‌ر هێناویت..
نه‌فسی‌ ئاماده‌ئه‌كرد بۆشه‌ڕی‌ ئیسلام‌و رێگری‌ خه‌ڵك‌و پێغه‌مبه‌رو دوورخستنه‌وه‌ی‌ ئه‌وانه‌ی‌ ده‌یانه‌وێت په‌یوه‌ندی‌ بكه‌ن به‌ ئیسلامه‌وه‌ ، ته‌نانه‌ت جارێكیان دوای‌ پێغه‌مبه‌ر كه‌وتبوو كه‌رووبه‌(كه‌عبه‌) ده‌چوو تانویژ بكات‌و كاتێ‌ ته‌ماشای‌ دوای‌ خۆیكرد بینی‌ (عومه‌ر) شوێنی‌ كه‌وتوه‌و پێی‌ وت: "عومه‌ر بۆ شه‌وو رۆژ وازم لێناهێنیت!! ".
رابمێنن له‌سه‌ر دڵڕه‌قی‌ (عومه‌ر) به‌ر له‌ موسوڵمانبونی‌ ته‌نانه‌ت موسوڵمانان لێی‌ ده‌ترسان‌و خۆیان لێده‌پاراست ، به‌لاَم بانگه‌وازی‌ پێغه‌مبه‌ر(صلی الله‌ علیه‌ وسلم) ورده‌ ورده‌ كاریگه‌ری‌ له‌سه‌ر دروستده‌كردو رایه‌ڵه‌كانی‌ گومان‌و دوودڵیان لاپێكده‌هێنا ، كاتێ‌ گوێبیستی‌ قورئان ده‌بوو پێغه‌مبه‌ر(صلی الله‌ علیه‌ وسلم) سووره‌تی‌(الحاقه‌)ی‌ ده‌خوێنده‌وه‌ (عومه‌ر) له‌دڵ‌و ده‌روونیدا ده‌یوت: ئه‌مه‌ شاعیره‌ ، پێغه‌مه‌ریش به‌قورئان وه‌لاَمی‌ ده‌دایه‌وه‌ [ وَمَا هُوَ بِقَوْلِ شَاعِرٍ قَلِيلاً مَا تُؤْمِنُونَ ] (الحاقه‌:41) ، ئه‌وجا (عومه‌ر) له‌نه‌فسی‌ خۆیدا ده‌یوت: كه‌واته‌ زه‌یوانه‌ ـ كاهن ـ ئه‌وجا ئایه‌تی‌ [ وَلا بِقَوْلِ كَاهِنٍ قَلِيلاً مَا تَذَكَّرُونَ ، تَنْزِيلٌ مِنْ رَبِّ الْعَالَمِينَ ] (الحاقه‌:43)پاشان شیرینی‌ ئیسلام خۆی‌ ده‌هاویشته‌ نێو دڵی‌‌و گێرمه‌وكێشمه‌‌و پێكدادانی‌ ده‌روونی‌ له‌ناخیا دروست ده‌بوو ..
له‌ساڵی‌ شه‌شه‌می‌ كۆچیدا پێغه‌مبه‌ر(صلی الله‌ علیه‌ وسلم) فه‌رمانیدا به‌ هه‌ندێك له‌یارانی‌ كۆچ بكه‌ن بۆ (حه‌به‌شه‌) ، (عومه‌ر) ئافره‌تێكی‌ خزمی‌ بینی‌ شت‌ومه‌ك‌و پێداویستی‌ كۆده‌كاته‌وه‌و به‌سه‌رسووڕمانه‌وه‌ وتی‌: بۆ كوێ‌ ده‌چن ؟ وتی‌: هه‌ڵدێین به‌ئاینه‌كه‌مانه‌وه‌، زۆر‌و سته‌متان لێكردین ، به‌ئاه‌و حه‌سره‌تێكه‌وه‌ وتی‌: كه‌واته‌ سه‌ری‌ خۆتان هه‌ڵده‌گرن‌و ده‌ڕۆن ، خواحافیزتان بێت.. له‌م وته‌یه‌ی‌ دوایی (عومه‌ر)دا ئه‌و ژنه‌ هه‌ستی‌ به‌سۆزو نه‌رم‌و نیانی‌كرد‌و بۆ مێرده‌كه‌ی‌ گێڕایه‌وه‌ ئه‌ویش وتی‌: چاوه‌ڕێیت موسوڵمان ببێت ؟ ژنه‌كه‌ش وتی‌: به‌ڵێ‌، مێرده‌كه‌ی‌ وتی‌: گوێدرێژانی‌ (خه‌تتاب) موسوڵمان ده‌بن به‌لاَم ئه‌و موسوڵمان نابێت..
به‌لاَم ویستی‌ خوا به‌جۆرێكی‌ هه‌ماهه‌نگ‌و هاوتای‌ ویستی‌ ئه‌و ئافره‌ته‌بوو (عومه‌ر) موسوڵمانبوو له‌سه‌ر ده‌ستی‌ ئافره‌تێكدا ..

ئه‌م بابه‌ته ‌ 2508 جار خوێندراوه‌ته‌وه‌

19/02/2015

بۆچوون بنێره

هیچ کۆمێنتێک نه‌نوسراوه‌ .

ژماره‌ی بۆچوون

تکایه‌ سه‌رنجێک مه‌نوسه‌ که‌له‌گه‌ڵ ڕه‌وشتی گه‌له‌که‌مان ناگونجێت ئه‌م سه‌رنجانه‌ پاش پیاچوونه‌وه‌ بڵاوده‌کرێنه‌وه‌.

بابه‌تی زیاتر ...

عومه‌ری ‌كوڕی‌ خه‌تتاب ئه‌لقه‌ی (4) باوکی چراخان...	عومه‌ری ‌كوڕی‌ خه‌تتاب ئه‌لقه‌ی (3) باوکی چراخان ...	عومه‌ری‌كوڕی‌ خه‌تتاب ئه‌لقه‌ی (1) باوکی چراخان ...
ئه‌بوبه‌كرى سدیق ئه‌لقه‌ی (6) باوکی چراخان...	ئه‌بوبه‌كرى سدیق ئه‌لقه‌ی (4) باوکی چراخان ...	ئه‌بوبه‌كرى سدیق ئه‌لقه‌ی (3) باوكی‌ چراخان...
ئه‌بوبه‌كرى سدیق ئه‌لقه‌ی (2) ...	ئه‌بوبه‌كرى سدیق ئه‌لقه‌ی (1) باوكی‌ چراخان...